點解iphone炒得起?

阿婆在此，即Apple(阿婆)在這裡(here)的意思

每星期一次 逢星期六同大家見面

點解iphone炒得起?

大家好~第一次和大家見面~
本欄承蒙網主厚愛，容許小弟在此搗亂，所以我會竭盡所能將自己想講的東西盡情地講(笑)

呃完字數以後我就開始寫第一篇文-點解iphone炒得起?

自蘋果教主回歸以後,蘋果從Mac機,iPod,Macbook等等產品起死回生,雖然未達到可以炒炒貢程度，但係已經令一大班又一大班人好似信左教的人咁係咁買係咁買,唔買唔舒服的情況...

直到有一天,教主說:我們出手機~~~然後就好似蘋果個口號~再次改變一切~然後大家就搶呀搶買呀買排隊呀排隊咁樣...如果要以一隻股票黎形容,我會話係...8號仔(不要打我XD)

iPhone係手機中既藍籌,歷史上從來無一部手機會係可以咁保值...應該話,歷史上從來無一部手機會係可以升值(以無鑽石/黃金的機計),更甚的是從來無一種電子產品會係可以升值....但是，點解呢?

首先，我們來一個Econ001的課堂,學習供應與需求的關係。下圖是小學雞都認得的供求關係圖:

Demand右移,Supply無變，Price上升，這就解釋了iPhone的炒風了~~

咪住~大家想x我鬼唔知咩之前~其實我想講既唔係咁簡單依樣野...因為魔鬼在細節裡！

成件事最大問題係Apple係傻左定係開善堂?教主都知全世界都炒緊佢既產物，點解唔賣貴d？點解唔自己賣賺到盡？點解會製造就業機會俾水貨佬(應該係各位尊貴既讀者先係)？

下一個星期我會用我個人既角度吹下點解。

阿婆-港大商科畢業,好食懶飛,唔鐘意做野,鐘意炒野,炒機炒股同炒輪